Забни протези

Забните протези се мобилни (подвижни) стоматолошки изработки кои надокнадуваат еден или повеќе изгубени заби, и за разлика од другите протетски изработки, можат да надокнадат и дел од изгубените коскени ткива на вилиците.

Поделба на забните протези

Според тоа дали во устата има природни заби или протезите ги надокнадуваат сите заби, протезите можат да бидат:

делумни (парцијални)
целосни (тотални)

Според материјалот од кој се изработени, протезите се делат на:

класични (целосно акрилатни) - како на сликата погоре
скелетирани (визил, Wisil)

Класичните протези се изработени целосно од акрилатен полимер (вид на медицинска пластика) а скелетираните имаат и метален слекет од легура на хром-кобалт-молибден кој им дава цврстина и еластичност. Во одредени случаи овој скелет помага и дел од притисокот при џвакањето да се распореди на преостанатите заби, преку специјално изработени врски (атечмени).

автор на тестот: д-р Александар Нечаковски
последна измена: 24.02.2010